قصة روح وجسد



بقلم كلا من : محمد مهني Shima Hussein


في قانون فى اى دولة في العالم يوجد عقاب على جريمة السرقة اخرها السجن فترة وربنا بردو بيعاقبنا عليها لكن اكيد سرقة عن سرقة تفرق ما فى ناس كتيرة غيرى بتسرق ملايين لكن انا بسرق عشان اعيش لكن اكيد اللى حصلى دة عمرة ما يكون ابدا عقاب للسرقة .. انا سيد بشتغل صنايعى ف ورشة مصوغات ذهبية و مراتى هناء بتشتغل في البيوت عشان تساعد فى المعيشة عمرها ما كملت فى بيت 3 شهور على بعض لانها كانت قبل ما تمشى لازم تسرق حاجة فلوس دهب اللى تلاقية تخده . وطبعا انا كنت بساعدها ف دة باخد الدهب ونبيعه وبعد كده نهرب بعملتنا ونشوف بيت تاني وكنا بنتفق مع البوابين عشان يكلمو الناس ان مراتى تشتغل عندهم وانها شغالة مضمونة وشريفة وعلى ضمانة البواب وطبعا بيكون واخد المقابل عشان يقول كدة وفى مرة بواب كلمنا وقالى لمراتى فى واحد راجل غنى و كبير فى السن محتاج شغالة بس يارب يوافق بيكى انا جبتلة تلاتة قبل واما شافهم قال عليهم لا بس لو وافق بيقى ليا الحلاوة ومراتي راحت قبلت الراجل اسمة سمير دة والغريبة انه مسالهاش على اى حاجة غير تاريخ ميلادها بس كام بالظبط ووافق عليها وشغلها على طول الراجل دة اسمة سمير كان غنى اوى وكان بيته كبير جدا والي كان بيميز البيت صور كتير ملية البيت كلة تقريبا.. مراتى سالتة مين دى قالها دى صور بنتى ومسفرة كندة ومش بتيجي خالص بس هتيجى قريب انشاالله وعنية دمعت .. هناء كانت بتنضف البيت كلة ماعدا اوضة واحدة كانت على طول مقفولة بالمفتاح وممنوع اي حد يقرب من الاوضة دى . وبعد حوالى شهرين من شغل مراتى عندة في يوم الراجل دة ادى لمراتى مفتاح الاوضة دى وقالها عاوزك تنضفى الاوضة دى كويس وخلى بالك دى فيها حجات مهمة اوى اوعى حاجة تضيع ..طبعا دى كانت فرصتها تاخد الحجات المهمة دى وتهرب من عندة هناء فتحت الاوضة ودخلت الاوضة شكلها غريب جدا " حيطان الاوضه كلها مرايات في كل حتا والاوضة كلها فاضية مفهاش نور غير بس 3 شمعات منورين الاوضة و صندوق خشب مستطيل حوالى اتنين متر وارتفاعة متر علية نقش بلغة غريبة اوى النقش مكتوب بلون ذهبى والصندوق خشب بنى قديم حاولت تفتح الصندوق لكن كان مقفول سابتة ودورت على حاجه تنفع تتسرق لقيت صندوق صغير محطوط في ركن من اركان الاوضه الصندوق شبه الصندوق الكبير بالظبط بس صغير خشب بردو ونقش دهبى غريب نفس اللى مكتوب ع الصندوق الكبير قالت اكيد هو دة الصندوق اللى فية الحجات المهمة دة تقيل اوى اكيد فية دهب حاولت تفتحة تاخد اللى جواة معرفتش قامت خدتة وجت على البيت ... انا جيت اليوم دة من الشغل لقيت مراتى مرمية على الارض ومنهارة وجمبها صندوق قولتها مالك فى اية قالتلى انا سرقت الصندوق دة من عند الراجل اللى انا شغالة عندة ولما جيت البيت فتحتة مجرد ما الصندوق اتفتح خرج في لحظه دخان كتير جدا لدرجت ان الدخان انتشر في الاوضه كلها الرؤيه اتحجبت من الدخان الكتير وسمعت ابشع صوت مكنتش اتخيل ان ممكن اسمعه . الدخان قل في الاوضه وعرفت اشوف الاوضه كويس بس اية دة دى مش الاوضة بتعتي انا اصلا مش في البيت انا في مكان واسع جدا وشايفه السماء والقمر كان كامل وقريب جدا لدرجة انى شايفة كل حاجة وسط الضلمة من شدة النور وقاعدة على كرسى وقدامى ترابيزة بيضاوى عليها فنجان مقلوب و3 شمعات والناحية اليمين منى قاعد واحد دقنة طويلة سودة شعرة اسود فاحم وشة ازرق شبة الاموات والناحية الشمال منى قاعدة واحدة جلدها كلة ازرق متقطع شعرها طويل اسود بصيت فى وشها لقتها بنت استاذ سمير الجو بدا يبرد والراجل دة قعد يقول كلام غريب ((عزيمى اليكم وعليكم يامعاشر الأرواح الروحانيه وسكان الأرض والهواء أينما تكونوا يأت بكم الله جميعا : أجب يا عزازير ذو القدرة والعظمة والمجد وعهدنا عليكم يكون السرور أقسمت عليكم بالعهد المأخوذ عند باب الهيكل الكبير ببابل أن تأتونى مسرعين ولعزيمتى سامعين وأفعلوا ما امركم بة بنقل الروح الى الجسد لا تطولو بة العبث نقل حر يوم الميلاد بحق الزعفل الأرض بكم ترجف والسماء من فوقكم تقزف أحضروا إلى فى كل ساعه وكل 12 ساعه وعهد رب العالمين بينى وبينكم الواحا 2 العجل 2 الساعه 2 ع ج ح ع 2 ج 1 ل ب ل 1 ))فجاة هوا جامد ملا المكان و بنت استاذ سمير قامت من مكانها وجت جريت عليا خنقتنى معرفتش اتنفس وشلتنى وهى خنقانى رمتنى فى صندوق وقفلت عليا قعدت اصرخ وبعدها صحيت لقيت نفسى على الارض هنا فى الاوضة تانى انا خايفة اوى يا سيد هو اية اللى انا شوفتة ولقيت الصندوق جمبها انا قولت انها يمكن كانت بتحلم ولا حاجة بصراحة مصدقتهاش حتى هى مكنتش عارفة اذا كان اللى حصل دة حقيقي ولا لا جيت اومتها عشان تدخل تستريح فى الاوضة لقتها سخنة اوى اخدتها وجريت بيها ع الدكتور اداها ادوية وروحنا لكن كل يوم كان بيكون اسوء من اللى قبلة حالتها عمالة تدهور ولفيت بيها للدكاترة مفيش فايدة عمالة تخس ومبقتش قادرة تقفف على رجليها بعد اسبوع بالظبط رجعت فى اليوم دة من الشغل ملقتش هناء ف البيت قعدت ادور عليها سالت عليها ف كل حتة ملقتهاش فكرت شوية وقولت يمكن راحت عند استاذ سمير لما اروحلة واسالة يمكن يعرف حاجة روحتلة اول ما دخلت عندة البيت لقيت صور بنتة اللى موجودة فى كل مكان فى الشقة زى ما حكتلى هناء المهم سالتة على هناء قالى انا معرفش عنها حاجة من ساعة ما هربت وسرقت من عندى حجات ومتجيش هنا تانى احسنلك عشان مبلغش عن مراتك الحرامية وسالتة بصراحة عن الصندوق وعن اللى هناء حكتهولة اتعصب وطردنى وقالى لو جيت تانى هسجنك انت ومراتك مشيت وانا هتجنن ومش عارف اعمل اية روحت البيت بصيت على الصندوق جيت افتحة لقيتة بيتفتح بسهولة وفاضى مفهوش حاجة روحت لواحد صاحبى وحكتلة كل اللى حصل بالظبط قالى السر كلة عند اللى اسمة سمير دة احنا نروحلة ونهددة عشان يتكلم وفعلا روحنالة انا وصاحبى اول ما شافنى على الباب قالى انا مش قولتلك متجيش هنا تانى صاحبى زق الباب ودخلنا بالعافية سمعت صوت حد بيصوت تقريبا او بيعيط انا قولت اكيد دى هناء فضلت ادور على الصوت دة جاى منين و روحت ناحية الصوت لقيتة خارج من اوضة مقفولة فتحت الباب بسرعة انا وصحبى لقيت الاوضة الى كلها مرايات اللى هناء حكتلى عليها ولقت بنت حوالى تلاتين سنة مربوطة فى كرسى ببص عليها لقتها بنت استاذ سمير قولت لصاحبى اية دة الراجل دة مجنون هو رابط بنتة كدة لية راحت بنتة اول ما شفتنى بصتلى وقالتلى سيد الحقنى انقذنى الراجل دة خطفنى سيد انا مراتك مش بنت سمير بصتلها قولتلها مراتى ازاى انا مش فاهم انتى مجنونة قام استاذ سمير قالى تعالا ملكش دعوة بيها هى اعصابها تعبانة من ساعة ما رجعت من برة وسمعت الكلام اللى انت جيت وحكيتة المرة اللى فاتت الدكتور جاى دلوقتى هيشوفها انا قولتلة انا مش همشى غير لما اعرف كل حاجة وهددنا سمير بالفعل بالسلاح اللى كان مع صحبى لكن كل كلامة انة ميعرفش حاجة وان الصندوق دة كان وارثة من جدتة ومكنتش فى مجوهرات ولا حاجة مشينا انا وصاحبى وهتجنن قولت انا لازم ابلغ الشرطة بكل حاجة انا معرفش مراتى فين وهتجنن .... فعلا فى نفس اليوم روحت بلغت الشرطة واتهمت سمير وبنتة انهم خطفو هناء والشرطة جبتهم واستجوبتهم سمير قال فى التحقيقات ان هناء كانت شغالة عندة وسرقت صندوق مجوهرات من عندة بس كان فاضى عشان كدة مجاش وبلغ وانة حجز طيران عشان مسافر كندا هو وبنتة بعد اسبوع ولما جم استجوبو بنت سمير الظابط قالها اسمك اية قالتة هناء محمود عبدالرحيم قالها اومال الاسم الى فى البطاقة دة اية قالتلة انا مش بنت الراجل دة صدقونى الراجل دة سحرنى وقعدت تصوت وتحكى كلام كتير كدة الظابط طلب تحاليل اثبات نسب وحجزها فى القسم والتحاليل اثبتت ان البنت دى فعلا بنت سمير وانها رنا سمير التركى طبعا الظابط طلب تحويلها لمستشفى الامراض العقلية للكشف على قواها العقلية وانا كل دة لسة معرفش حصل اية فى التحقيقات وعدة علي الموضوع كام اسبوع لحد ما جه ليا اتصالا من ظابط الشرطه وقالي ان احنا عوزينك ضروري في القسم لبست بسرعة وخرجت علي القسم وكانت المفجأة انهم لقو جثة مراتى هناء مرمية فى منطقة مهجورة وان سبب الوفاة طبيعى فقر شديد فى الدم ادى الى الوفاة سمير افرجو عنة وتم اثبات انة ملهوش دعوة بالحادثة وبنت هناء اتحجزت فى مستشفى العباسية وبعد الكشف عليها الدكاترة قالو انها عندها اضراب وجدانى ثنائى القطب بيخليها تتخيل انها واحدة تانية وبيجلها هلاوس ومع العلاج حالتها هتتحسن انا مش مصدق ان كل دة يحصل اكيد فى حاجة انا مش فهمها انا لازم اروح لبنت سمير المستشفى يمكن تكون تعرف حاجة وطبعا سمير على طول هناك عندها انا روحتلها فى مرة هو مكنش فيها هناك عشان لو عندها حاجة تقولهالى وروحتلها المستشفي ووصلت للغرفة الي محجوزة فيها واول ما دخلت قعدت تعيط وتقول نفس الكلام يا سيد انا هناء مراتك والله طب اديلك امارة علي كلامي فاكر يا سيد قبل ما اخد الصندوق الي كان سبب في الي انا في دلوقتي وقلتلك ان شفت حاجات غريبه وكائنات غريبه صدقني انا مراتك طب انتي ازاى مراتي وانا لسا مستلم جثة مراتي ودفنها امبارح بأيدى انتي مجنونه . ياسيد اسمعني انا مش مجنونة اسمعنى وانتا هتعرف الحكاية كلها .. الحكاية السيد هيا ان سمير دة بنتة ماتت وكان عندها 29 سنة ماتت بسبب انيميا شديدة سمير فضل محتفظ بجثة بنتة من كتر حبة ليها وانة متعلق بيها لدرجة كبيرة اوى وسمير دور علي اى حاجة تخلية ميدفنش بنتة ويفضل محتفظ بالجثة بتاعتها فضل يدور لحد ما واحد قالة على ساحر يسعده فى الموضوع دة الراجل وداة لساحر ايراني الساحر دة قال لسمير انة مش بس هيخلية يحتفظ بالجثة لا دة ممكن يرجعلة بنتة تانى عن طريق سحر معين اسمه سحر اليومارجو يمكنه نقل روح من جسد لجسد اخر .. الساحر قاله هو هينقل روح بنت لجسد بنتة الميتة وبنتة هتعيش تانى سمير فرح اوى وقالة ازاى وكان المطلوب منه ان لازم يجهز ليه بنت تكون فى نفس سن بنتة وتتم 29 سنة وقت نقل الروح دى وطقوس السحر كانت عبارة عن كتابات معينه هتتكتب علي صندوق من الخشب وده عشان جلب البنت المطلوبه لعمل الجلسه وشرط ان البنت تاخد الصندوق بنفسها ويكون فى صندوق تانى كبير علية نفس النقش دة محطوط فية جثة بنتة وكنت انا يا سيد الي وقعت في الفخ ده وخت الصندوق واتعمل جلسة جلب روح وحط روحي في جسم بنت سمير يعني انا هناء مراتك بروحي لكن الجسم جسم بنت سمير .. انا سامع الكلام ده ومش قادر استوعب هل الكلام ده صحيح ام كذب قولتلها الكلام دة محدش هيصدقة ولا انا كمان مصدقة قالتلى الزيارة خلصت واخدوها وهى بتقولى متسبنيش بصراحة انا خرجت من المستشفى مش عارف اعمل اية العقل بيقول ان مراتى ماتت وانى دفنتها والدكاترة بيقولو ان بنت سمير مجنونة وهى حكتلى كلام مش عارف اصدقة ولا لا مع انها زى ما الدكاترة بيقولها انها لو مشيت ع العلاج حالتها هتتحسن وترجع لطبيعتها لكنها زى ما هى بتقول نفس الكلام وانها هناء بصراحة انا روحت لشيوخ ودجالين كتير وسالتهم عن موضوع نقل الروح لجسد تانى قالولى لا دة مش ممكن يحصل مع ان فى مذاهب بتامن بية وبعض فرق الشيعة وممكن الحجات اللى البنت دى بتحكهالك تكون هناء مراتك حكتهالها لكن واحد بس هو اللى قالى انا عارف السحر دة ومحدش فكر يعملة قبل كدة غير ساحر واحد بس ايرانى لاكن انا معرفش اكتر من كدة ولا هاقدر اساعدك انا دلوقتى مش عارفة اصدق مين ولا اعمل اية لو حد فيكو يعرف شيخ ولا ساحر يقولى ويساعدنى ولو مش مصدقنى الحالة اللى بقولو عليها اسمها رنا سمير التركى محجوزة فى مستشفى العباسية للامراض النفسية والعقلية جناح 3 القصة مستوحاة من قصة حقيقية لحالة مريضة نفسية فى مستشفى العباسية .

ليست هناك تعليقات